Билијард федерацијата ќе го организира првиот настан насловен како „Куп на Македонија во билијард“ кој ќе се игра на 31 август и 1 септември во Скопје. Заложбите се настанот да премине во традиција и редовно да се одржува во овој термин, односно блиску до Денот на независноста на државата.
На програмата ќе биде популарната дисциплина „деветка“, а натпреварувачкиот костур ќе биде дефиниран според правилата за елиминација врз база на два пораза.
Домаќин е билијард клубот „Гран Клуб“, а натпреварите почнуваат од 9 часот наутро (во сабота), додека финалето ќе биде в недела од 21 часот. Право на настап ќе имаат сите играчи, од А и Б дивизијата, но и оние кои досега не биле членови на клуб и не се дел од федерацијата, при што е битно само да се државјани на Македонија.
Се очекува дека ќе има околу 100 учесници од 15 града, за кои федерацијата обезбеди и солиден награден фонд, но и пехари и медали за најдобрите.
