Попладнево се одиграа петте натпревари од 3.коло во ПМФЛ. Шкупи на Чаир ја доби “Битката за Скопје“, го победи Вардар со 3:0 и тоа со головите на Гуџуфи и Ибиши од пенал, во последните секунди Гуеје даде гол за крај на ова дерби. Значи супер деби на клупата имаше Матија Мирков. Нема што, чаирчани беа подобри и заслужено славеа. Имаа шанси за уште некој гол. Вардар во второто полувреме се обиде да се наметне, имаше и неколку обиди, но сепак како што рековме Шкупи беше подобар на оваа средба.
Работнички со двата супер гола на Гандо и Аломеровиќ уште во првото полувреме, дојде до победа од 2:0 против Струга ТЛ. Ова е првпат Работнички на свој терен да слави над тимот од Струга. Овој Работнички покажува сила.
Беса со 1:0 го победи Тиквеш, голот го постигна Љатифи во финишот. Ова се први историски бодови, прва историска победа на тимот од Добри Дол во ПМФЛ.
Гостивар си гази, победи и кај Воска со 0:2 во Охрид и тоа со головите на Машике и Симоновски.
Пелистер славеше над Силекс со 1:0 и тоа со голот на Мирко Ивановски.
Вечерва од 20 часот во Струмица играат Брера и Шкендија со што ќе се комплетира колото.
РЕЗУЛТАТИ ЗА 3.КОЛО
БЕСА – ТИКВЕШ 1:0
(Љатифи 80./)
ПЕЛИСТЕР – СИЛЕКС 1:0
(Ивановски 52./)
РАБОТНИЧКИ – СТРУГА ТЛ 2:0
(Гандо 26., Аломеровиќ 40./)
ШКУПИ – ВАРДАР 3:0
(Гуџуфи 33., Ибиши (п) 56./)
ВОСКА – ГОСТИВАР 0:2
(/Машике 30.,Симоновски 87.)
БРЕРА – ШКЕНДИЈА (20 Ч)
