Тренерот на Џирона, Мичел, изјави дека неговите играчи мора да ги заборават сите добри работи за минатата сезона во Примера и да започнат од нула во тековната кампања, откако синоќешниот пораз од Атлетико Мадрид со 3:0 ги остави при дното на табелата.
Откако го обезбеди најдобриот финиш во лигата на третата позиција и пласманот во Лигата на шампионите за прв пат во клупската историја, Џирона не ја започна добро новата кампања, ремизирајќи со Бетис во првиот натпревар пред да загуби со 0-3 од Атлетико.
„Тоа е еден од предизвиците што ги имам како тренер, да ја изнесам најдобрата верзија на секој играч, почнувајќи од нула. Никој не треба да мисли дека нашата цел е повторно да завршиме на третото место“, изјави Мичел на прес-конференција.
„Секогаш ќе не споредуваат со порано, но јасно ни е дека сме тим кој мора да работи со понизност. Мораме да продолжиме да се подобруваме затоа што сакаме да бидеме подобри од минатата година. Ќе се трудиме, но мораме цврсто да стоиме на земја“, додаде тој.
И покрај поразот, Шпанецот зеде неколку позитиви од настапот против „големиот тим“ како Атлетико.
„Не гледам премногу на овој резултат, но мора да бидеме побрзи и поагресивни со и без топка. Во одбраната и во одредени ситуации добро се снајдовме“, прокоментира Мичел.
Џирона ќе ја бара првата победа сезонава во Ла Лига во четврток, кога ќе биде домаќин на Осасуна.
