Трет пораз во серија за Валенсија, новиот клуб на нашиот репрезенттаивен голман Столе Димитриевски. Вечерва на гостувањето на „Сан Мамеш“ против Атлетик (Б), популарните „лилјаци“ загубија минимално со 1:0 од домаќинот Атлетик Билбао и со обој пораз практично се „заковаа“ на последното место на табелата во Ла Лига.
Голот за победа на домашните беше дело на Прадос Диаз во завршницата на првото полувреме. Димитриевски и на овој меч беше само на клупата за резерви и не доби шанса на голот на гостите, каде веќе очигледно се пали црвеното светло.
Во вториот меч кој заврши вечерва, екипата на Ваљадолид на домашен терен одигра 0:0 против екипата на Леганес. Гостите и по три кола се се уште непоразени и со 5 освоени бода се при самиот врв на табелата.
