На Кристијано Роналдо му недостига само уште еден гол да дојде до бројката од 900 голови во кариерата. Јасно е дека тоа ќе го достигне, но на прашањето дали има намера да дојде до 1.000 голови, тој одговори дека посакува, но притоа ги навреди Пеле и Ромарио и со тоа го навлече гневот во фудбалска Бразил.
Имено познато е дека зад имињата на овие двајца славни Бразилци стои дека постигнале повеќе од 1.000 голови, но на некој од нив, посебно за Пеле, нема видео – снимка:
“Сакам да постигнам 1.000 голови во кариерата, такви ми се плановите, но за да се дојде до таа бројка зависи и мојата здравствена состојба. Јас знам дека има и други кои постигнале повеќе од 1.000 голови, јас ги респектирам, но сакам да кажам дека разликата меѓу нив и мене е таа што за секој мој гол има видео-снимка како доказ, а кај другите тоа го нема“ и по оваа изјава Бразилците збеснаа, очигледно е дека оваа негова изјава ја сфатија како навреда за Пеле и Ромарио.
Кога сме кај починатиот Пеле тој секогаш изјавуваше дека тој во својата блескава кариера има постигнато 1.283 голови.
Cristiano Ronaldo wants to score 1000 goals in his career and…
"all of them will be on video." 😂pic.twitter.com/ByqzJhLqeM
— Football Tweet ⚽ (@Football__Tweet) August 28, 2024
