Младиот македонски кик-боксер Силвио Мировски освои златен на Светското првенство за кадети и јуниори во Будимпешта, Унгарија. Тој е вториот наш кик-боксер кој од ова СП се враќа со злато, откако тоа вчера го направи и Марија Димовска.
Мировски во финалето во натпреварите во категоријата постари јуниори до 71 килограм славеше против Иван Бородатји од Украина 2-1.
Марија Димовска вчера го освои првото злато, а од овој шампионат Лука Змејкоски се враќа со сребрен медал.
