Сагата која траеше цело лето, заврши на најлош можен начин за одличниот фудбалер. Медиумите открија дека фијаското се должи на цифра од само 5 милиони евра, што не е премногу за врвните клубови.
Виктор Осимен е најголемиот губитник во летниот преоден рок. Нигериецот е осуден да остане во Наполи каде нема место откако Антонио Конте го доведе Ромелу Лукаку.
25-годишниот фудбалер последниот ден преговараше со Челзи и Ал-Ахли, а на крајот остана на југот на Италија, што очигледно му беше тешко.
Како што пишува „Кориере дело Спорт“, по неуспешните разговори тој останал изолиран во сомнежот со многу прашања што го чека во преостанатиот дел од сезоната.
Ал Ахли понуди цифра од 80 милиони евра за Осимен со годишна плата од 40 милиони, но „алчниот“ Аурелио Де Лаурентис побара пет милиони повеќе, а Саудијците не се согласија.
Наполи лани доби понуда од 150 милиони евра од Саудиска Арабија, Де Лаурентис ја одби и сега имаат играч кој стана технолошки вишок, а тоа чини многу.
Осимен е огромно оптоварување на буџетот на Наполи, откако неговата годишна плата е дури 11 милиони евра, а сега ќе треба да бара начин да го реши целиот случај во поранешниот шампион на Италија.
На стартот од новата сезона одличниот напаѓач воопшто не играше, а со доведувањето на Лукаку јасно е дека Конте не смета на неговите услуги и Нигериецот би можел да биде на страна цела сезона.
Додека го чекаше Осимен, Ал Ахли го доведе Иван Тони, па Нигериецот доживеа тотален дебакл и на 25 години, кога е во својот врв, трибините го чекаат следната половина година до зимскиот преоден рок.
