Страшна вест пристигнува од САД, поточно од Сан Франциско. Дебитантот на тамошниот НФЛ тим Рики Пирсол (24) бил застрелан при обид за грабеж, а лекарите се борат за неговиот живот.
Пред тоа полицијата соопшти дека две лица биле застрелани при обид за грабеж на Унион Сквер. Еден од нив е разбојник за кој се верува дека е малолетник, а другиот е Рики Пирсол. Американскиот фудбалер наводно се обидел да му грабне оружје на напаѓач кој сакал да го ограби, а во таа борба биле испукани неколку истрели. Сан Франциско Фортинајнерс објави дека Пирсол се здобил со рана во пределот на градниот кош, дека неговата состојба е сериозна, но стабилна.
„Рики Пирсол е жртва на обид за грабеж и пукање. Тој се здоби со прострелна рана во пределот на градниот кош и е во сериозна, но стабилна состојба. Ве молиме да ја почитувате неговата приватност во овој момент. Нашите мисли се со играчите и Рики, како и целото семејство Пирсол“, стои во соопштението.
