Луис Суарез својот последен меч за уругвајската репрезентација ќе го одигра во петок против Парагвај, потврди тој на емотивна прес-конференција. Тој се пензионира како играч кој постигнал најмногу голови за Уругвај (69), само Диего Годин има повеќе настапи од него (142, Годин 161).
Еден од најдобрите напаѓачи на сите времиња, стрелец на повеќе од 500 гола (постигна 195 за Барселона, 111 за Ајакс, 82 за Ливерпул, 34 за Атлетико…), го делат четири месеци од својот 38-ми роденден и уште помалку од крајот на договорот со Интер Мајами, со кој има потпишано до крајот на годината.
„Тешко ми е да го кажам ова, но тоа ќе биде мојот последен настап за Уругвај. Размислував и анализирав. Тоа е вистинско време. Имам свои причини, но тешко е, многу тешко. Последниот натпревар ќе го игра со истиот ентузијазам како првиот што го играв во 2007 година, со ентузијазам на 19-годишно дете ќе го дадам максимумот, имам 37 години, ќе се борам до следното Светско првенство“, изјави Суарез задржувајќи ги солзите.
😞 “𝐒𝐞𝐫𝐚́ 𝐦𝐢 𝐮́𝐥𝐭𝐢𝐦𝐨 𝐩𝐚𝐫𝐭𝐢𝐝𝐨 𝐜𝐨𝐧 𝐥𝐚 𝐒𝐞𝐥𝐞𝐜𝐜𝐢𝐨́𝐧”
Luis Suárez confirmó en conferencia que se retira de 𝐿𝑎 𝐶𝑒𝑙𝑒𝑠𝑡𝑒.
📺 https://t.co/qVMBrYJR1J #ElEquipoQueNosUne pic.twitter.com/oRuiJVUBz0
— Selección Uruguaya (@Uruguay) September 2, 2024
Суарез играше на четири светски првенства со Уругвај (2010, 2014, 2018, 2022), а во 2011 година со репрезентацијата ја освои Копа Америка. Оваа сезона за Интер Мајами има 16 гола и пет асистенции на 20 одиграни натпревари во МЛС.
