Холандскиот репрезентативец Мемфис Депај може да ја продолжи кариерата во Јужна Америка. Според пишувањата на локалните весници во Бразил, Депај денеска добил понуда од бразилскиот великан Коринтијанс.
Мемфис се уште е без клуб по неговото заминување од Атлетико Мадрид. Севиља, Рајо Ваљекано и клуб од Саудиска Арабија претходно беа поврзувани со 30-годишниот напаѓач.
Сепак, ниту една од тие понуди очигледно не беше прифатлива за Депај, кој сега ќе ја разгледува најновата од Коринтијанс. Според бразилски извори, Коринтијанс понудил годишна плата од речиси пет милиони евра.
