Родри, брилијантниот дефанзивен играч за врска на Манчестер Сити и шпанската репрезентација, е првата желба на Реал за следната година, пишува Ас Мадрид. Во текстот на овој медиум стои дека неговата вредност е 130 милиони евра. Родри беше клучен играч за победата на Сити во Лигата на шампионите минатата година и европската титула на Шпанија ова лето. Тој се смета за најдобар играч од средниот ред во светот.
Тој има договор со Сити до 2027. Во тој клуб дојде пред пет години од Атлетико Мадрид со обештетување од 70 милиони евра и освои се. Покрај гореспоменатото ЛШ, тој освои четири последователни титули во Англија, еден ФА Куп, два Лига Купа и едно клупско СП.
Родри е родум од Мадрид, но Шпанците истакнуваат дека тоа што е дете на неговиот најголем ривал може да биде проблем. Родри дојде во Атлетико како момче и помина шест години во неговата младинска школа. Потоа замина во Виљареал, но откако успеа да се афирмира, Атлетико го купи пред шест години за 20 милиони евра. Тој го продаде на Сити веќе следната година.
