Победничката од 2022 година Ига Швјонтек беше поразена од Американката Џесика Пегула со резултат 6:2, 6:4. Шестата тенисерка на планетата ја потврди одличната форма и ова е нејзина 14-та победа во последните 15 меча.
Пегула триумфираше во Торонто, додека во Синсинати, во пресрет на УС Опен, во финалето загуби од Арина Сабаленка.
Third time’s the charm!
On break point No. 3, Jessica Pegula secures it and grabs a 4-3 second set lead. pic.twitter.com/st4O9e2L2G
— US Open Tennis (@usopen) September 5, 2024
Таа одигра импресивно и на овој натпревар против Швјонтек, со што го нанесе четвртиот пораз во 10. меѓусебен натпревар.
Таа уште од самиот старт навести одлична игра. Пегула шест пати стигна до четвртфиналето на Грен слем и никогаш не напредуваше подалеку – до оваа вечер.
За влез во финалето ќе се бори против Каролина Мухова која ја победи Беатриз Хадад Маија со 6,1, 6:4.
