Од вчера нашата А репрезентација е во Торшавн, каде веднаш по слетувањето го одработи и првиот тренинг на стадионот во овој град кој е со вештачка трева, каде што утре ќе се одигра првиот меч од групата во Ц Лигата на Нации. Репрезенативците видоа на каква подлога ќе играат и против селекцијата на Ф. Острови. Имаше и насмевки, секако и верба дека може да се освојат трите бода.
Новитет е тоа што селекторот Благоја Милевски испрати дополнителен повик до Марио Илиевски, членот на младата репрезентација која вчера доживеа срамен пораз од Холандија со 5:0. Ова за Илиевски е деби повик за нашата најдобра репрезентација а доаѓа откако се повредија Александар Трајковски и Милан Ристовски и на нив нема да се смета за дуелите со Ф. Острови (07.09) и Ерменија (10.09).
