Екипата на Вардар 1961 ги дозна противниците во групната фаза во Европската лига. Покрај Порто, двократниот освојувач на Лигата на шампиони ќе игра против бундес-лигашот Мелсунген, предводен од еден од тренерите кои им донесоа европска титула на „црвено-црните“, Роберто Гарсија Парондо. Во германскиот тим кој го елиминирам Елверум, играат Даинис Кристопанс и Рожерио Мораеш.
Во квалификациите за групната фаза мина и Валур кој беше подобар од Спачва Винковци.
Вардар 1961 во првото коло ќе биде домаќин на Валур, додека пак потоа е гостин на Мелсунген, по што следи двомеч со Порто.
Целосен распоред во групната фаза
1 коло – Вардар – Валур (08.10.2024)
2 коло – Мелсунген – Вардар (16.10.2024)
3 коло – Вардар – Порто (22.10.2024)
4 коло – Порто – Вардар (30.10.2024)
5 коло – Валур – Вардар (18.11.2024)
6 коло – Вардар – Мелсунген (26.11.2024)
