„Спортклуб“ ексклузивно пренесува дека Светислав Пешиќ повеќе не е селектор на српската репрезентација.
Ништо не навестуваше разделба на легендарниот стручњак со репрезентацијата, а Пешиќ ова лето на Србија и донесе бронзен медал на Олимписките игри во Париз.
Претходно до светското сребро во Манила стигнаа и „орлите“ со него на кормилото.
Причините за ваквиот исход сè уште не се познати.
Неговиот договор истече, па во моментов тој технички не е на таа позиција, но постоеше надеж во Србија дека ќе се разговара за продолжување на соработката по изборот на новиот претседател на Кошаркарската федерација на Србија.
