Пелистер одигра добро второ полувреме против ПСЖ. На крајот македонскиот првак беше поразен со 31-29 и со кренати глави го напушта Париз. Иако после позитивата од осум гола разлика се чинеше дека избраниците на Раул Гонзалес лесно ќе го привршат овој дуел, сепак битолчани полека, но сигурно ја топеа предноста на противникот.
Дефинитивно главен „виновник“ е капитенот на Пелистер, Филип Кузмановски. Неговиот топ во рацете работеше и на оваа средба. Фитиљ испрати вистинска „бомба“ во мрежата на Паличка, а ЕХФ неговиот гол го опиша мајсторски.
