Ла Лига воведе ограничувања за трошење за клубовите во елитата, како и за оние во Ла Лига 2.
Фокусот повторно беше ставен на ситуацијата во Барселона, а добрата вест за Каталонците е што ја удвоија својата плата, од 204 милиони во последниот зимски преоден рок на 426 милиони ова лето. И покрај сето ова, клубот сепак е над лимитот и не влегува во правилото 1:1 (б.д. – односно да може да троши колку што заработува). Тоа значи дека доколку ситуацијата не се реши до 1 јануари во новата година, новото засилување Дани Олмо повторно нема да може да биде регистриран – исто како на првите натпревари од новата сезона.
Тимот што може да потроши најмногу за плати е повторно Реал Мадрид, 754 милиони евра – речиси 30 милиони евра повеќе од минатиот зимски преоден рок. Атлетико Мадрид останува на третото место – со лимит од околу 310 милиони евра.
💰 Staff Cost Limit (SCL) for #LALIGAEASPORTS and #LALIGAHYPERMOTION clubs.
➡ This is the maximum amount that each club/SAD can spend during the 2024/2025 season following the summer transfer window.
📎 https://t.co/SJx1mJ3bwf pic.twitter.com/s5KKVN7ciS
— LALIGA Corporativo (@LaLigaCorp) September 12, 2024
Овој лимит покажува колку клубот може да потроши за играчи, главен тренер, помошник тренер и физиотерапевт од првиот тим (квалификуван тим) и за млади и други секции (неподобен тим), објаснува понатаму „Марка“.
Ставките вклучени во лимитот на расходи за прифатлив и неподобен состав се: фиксни и варијабилни плати, социјално осигурување, колективни премии, трошоци за стекнување (вклучувајќи провизии на агенти) и амортизација.
