Менаџерот на Манчестер Сити, Хосеп Гвардиола, продолжува да има предност во однос на колегите од Премиер-лигата кога станува збор за платите.
Според информациите на „The Sun“, кој ги објавува платите на повеќето тренери во Премиер-лигата, Шпанецот зема двојно повеќе од вториот на ова рангирање, а тоа е неговиот сонародник и пријател Микел Арета. Менаџерот на Арсенал, кој вчера потпиша нов тригодишен договор со клубот, е платен 10 милиони фунти по сезона. Гвардиола е далеку пред него со 20 милиони.
Трет во моментов е уште еден Шпанец – менаџерот на Астон Вила, Унаи Емери. Тој е пред Ерик тен Хаг поради фактот што платата на Холанѓанецот беше автоматски намалена за 25% оваа сезона поради неуспехот на Манчестер Јунајтед да се пласира во Лигата на шампионите. Така, од 9 милиони фунти, надоместокот на Ерик тен Хаг падна на 6,75 милиони.
На петтото место е новиот менаџер на Ливерпул Арне Слот. Наследникот на Јирген Клоп моментално добива 6,2 милиони фунти по сезона.
Интересно, новиот менаџер на Челзи, Енцо Мареска е помалку платен од Томас Франк (Брентфорд) и Оливер Гласнер (Кристал Палас). Италијанецот се согласи да ги води лондончани за 4,2 милиони фунти по сезона.
Најниска плата има Андони Ираола, кој како тренер на Борнмут заработува еден милион фунти.
