Реал со два гола од пенал до победа во Сан Себастијан (ВИДЕО)

207

Вечерва во Сан Себастијан се одигра дербито од петтото коло на шпанската Ла Лига каде Реал Мадрид како гостин со 2:0 го совлада Реал Сосиедад, а двата гола гостите ги постигнаа од пенал.

Сосиедад пропушти неколку добри прилики при резултат 0:0, откако дури трипати погодија во рамката на голот на Куртоа. Реал поведе во 58. минута, кога по силниот удар на Ѓулер, топката удри во раката на Серхио Гомез по што беше досуден пенал за Реал Мадрид. Истиот прецизно го изведе Винисиус, за водство од 1:0 .

Надежите на домашните да избегнат пораз траеја до 75. минута, кога Винисиус го изнуди вториот пенал за мадриѓани, а овој пат извршител на најстрогата казна беше Килијан Мбапе за конечни 2:0.

ПретходноФонсека, конечно, и се израдува на првата победа на Милан (ВИДЕО)
СледноКимих најави нов договор со Баерн (М)