Кога се појави на фудбалските терени во дресот на Борусија Дортмунд му дадоа прекар турскиот Лионел Меси. Емре Мор толку ниско падна што сега ќе игра за новиот турски Суперлигаш Ејупспор. Се работи за клуб кој за првпат ќе игра во најсилната турска лига.
Мор заблеска на почетокот на кариерата на бундеслигашките терени во дресот на Борусија Дортмунд. Но неговата кариера место нагоре почна да се движи надоле. Во Борусија почна да „тоне“, па беше продаден во Селта за 13 милиони евра каде не се снајде, па отиде во Галатасарај, па потоа и во Фенербахче. Минатата пролет Фенер го позајми во Карагумрук, а сега на Жозе Мурињо не му е потребен и тој оди на позајмица во Ејупспор.
Неговата цена сега е падната на 2 милиони евра, а се чини дека ќе паѓа. Минатата есен за Фенер не постигна ни гол, а за Карагумрук само еден.
