Италијанскиот мотоциклист и познат Јутјубер, Лука Салвадори, го загуби животот во несреќа за време на трката на Меѓународниот друмски шампионат во Германија.
Салвадори починал по инцидент на патеката Фробург на 33-годишна возраст.
Од тимот на Бронкос, за кој настапуваше Салвадори, соопштија дека несреќата се случила во саботата, а Италијанецот им подлегнал на големиот број тешки повреди.
Во претходните сезони Италијанецот учествуваше во класата МотоЕ, беше познат како Јутјубер и вистински љубител на мотоциклизмот. Летово учествуваше на Светската недела на Дукати, кога имаше можност да се натпреварува на патеката, меѓу другите, со Франческо Бањаја, Марк Маркез и Хорхе Мартин.
