Уште едно добро издание на нашиот Ненад Димитријевиќ во дресот на Олимпија Милано. Македонцот постигна пет поени во победата на неговиот тим против Виртус на турнирот во Ираклион (Грција) и тоа со 73:62.
Нено тие пет поени го постигна во втората четвртина, имаше и реализиран шут за три поени.
Повеќе од јасно е дека Димитријевиќ и тоа како се наметнува во тимот на стратегот Еторе Месина во пресрет на настапите во Евролигата, секако и во домашниот шампионат.
Инаку најефикасни кај победничкиот состав беа Ледеј со 15 и Миротиќ со 10 поени.
Олимпија Милано и тоа како ќе има силен тим, а еден од адутите ќе биде и нашиот Нено.
