Килијан Мбапе конечно дојде во Реал летово, откако тој клуб се обидуваше да го доведе буквално седум години. Најдолго бараната и најочекуваната суперѕвезда во историјата на најголемиот клуб секоја секунда е под лупа откако дојде во Реал.
Така беше и викендот на гостувањето кај Реал Сосиедад во петтото коло од Ла Лига. Камерите во тунелот на стадионот во Сан Себастијан го забележаа моментот кога Мбапе седеше на скалите пред да излезе на теренот, а Лука Модриќ го тапкаше по глава додека минуваше.
Овој гест на легендата на Реал кон 14 години помлад соиграч стана вирален. Фановите на Мбапе истакнуваат дека не му се допаѓа кога така му се допира главата. Но овој пат издржа.
Luka Modrić x Kylian Mbappé 🧡 pic.twitter.com/DNOxd9VQaD
— Madrid Xtra (@MadridXtra) September 16, 2024
