Македонскиот репрезентативец Ненад Димитријевиќ беше еден од најдобрите играчи на Олимпија Милано во победата над Виртус Болоња во финалето на Суперкупот на Италија. „Манекените“ славеа по продолжението со 98:96.
Виртус беше подобар противник во поголем дел од мечот, неколку пати водеше, а Олимпија изедначуваше. Пред полувремето Болоња имаше и +15, а на пауза отиде со +11 (47:36).
Во третата четвртина Олимпија заигра подобро и ја намали предноста на гостите во третиот период, во последната четвртина го продолжи ритамот па во финишот се играше кош за кош. На крајот 84-84. Се прејде кон продолжение во кое Олимпија беше подобра.
Димитријевиќ беше во топ 4 поентерите на Олимпија. Постигна 16 поени, имашше и пет скокови и шест асистенции за 35 минути на теренот. Најефикасен беше неговиот соиграч словенечкиот репрезентативец Џош Небо со 20 поени.
