Динамо Загреб за кого настапуваат Стефан Ристовски и Аријан Адеми се уште е во потрага по тренер откако минатата недела го замени Сергеј Јакировиќ, кој го чинеа последователните порази од Хајдук (0:1) во Суперспорт ХНЛ и Баерн во Лигата на шампионите (9:2). До неодамна раководството на тимот привремено го презеде помошникот Сандро Перковиќ, но и со него на чело, загребскиот тим доживеа дебакл од Славен Белуп (4:1) во Копривница.
Динамо треба да добие нов тренер до сабота, кога на Максимир ја пречекува Локомотива во осмото коло од тамшниот шампиобат. Во меѓувреме во среда од 16 часот гостуваат во Бањоле во 1/16-финалето на Суперспорт Купот на Хрватска кога најверојатно ќе го води Перковиќ.
Како можен наследник на Јакировиќ од почетокот се споменуваше Ненад Бјелица (53). Сепак, набрзо се појавија информации дека ништо нема да дојде од неговото враќање. Сега, сепак, се чини дека ситуацијата се сврте и тој повторно стана главен кандидат за клупата на Динамо.
Најголемиот проблем досега се чинеше дека Бјелица се уште е под договор со Берлин Унион до до 2026 година, што значи дека треба да го раскине за да се врати во Динамо. Наводно финансиите во моментов се главна тема на разговор меѓу тренерот и Динамо.
