Поранешниот кошаркар на Детроит Пистонс, Еван Фурние, откри што најмногу го изненадило по неговото пристигнување во НБА лигата.
„Една од лошите страни на НБА лигата е тоа што екипите намерно губат натпревари со цел да добијат повисок избор на драфтот и со тоа подобар кошаркар. Оваа стратегија ги води помалите франшизи кон пропаѓање. Во последните неколку месеци кои ги поминав во Детроит организацијата беше одлична, но тимот главно го сочинуваа млади играчи, а победата не беше секогаш главната цел. Тоа е тешко да го прифати кошаркар на моја возраст“.
Еван Фурние играше во НБА од 2012 до 2024 година и во моментов е слободен агент.
