Управата на Манчестер Јунајтед размислува за две потенцијални имиња како можни замени за Ерик тен Хаг на кормилото на екипата. Иако ја доби довербата на управата и потпиша нов договор, Холанѓанецот се чини не успеа да промени ништо во тимот на почетокот на оваа сезона, а разочарувањата и натаму продолжуваат.
Со оглед на лошиот старт и во новата сезона, раководството на Јунајтед веќе почна да размислува за смена на холандскиот стручњак. Како што пренесуваат европските медиуми, идентификувани се две имиња кои би можеле да го преземат Јунајтед.
Во прашање се Еди Хау, актуелниот менаџер на Њукасл и Симоне Инзаги, кој го води Интер, но и за двајцата засега мисијата изгледа невозможна. Останува да се види дали директорите на Јунајтед имаат некаков посебен план во убедувањето на кандидатите да се преселат на „Олд Трафорд“.
