Македонската репрезентативка во таеквондо, Ведрана Тунески освои златен медал на Е2 Тирана Опен за Кадети во категоријата до 41кг. Ведрана е репрезентативка и член на ТКД Бутел. Таа успеа да оствари четири фуриозни победи на Е2 најсилно рангиран младински таеквондо турнир во светското младинско олимписко таеквондо.
Тунески е бронзен медалист од Европско пионерско првенство. Денеска во Албанија во финалето успеа да ја совлада најдобрата таеквондистка на планетата во нејзината категорија, Вирџинија Ламптис од Италија.
