Менаџерот на Ливерпул, Арне Слот не го криеше задоволството од успехот од 2-1 над Вулверхемптон, со кој неговиот тим се најде на врвот на табелата во Премиер-лигата. Сепак, Холанѓанецот знае дека тоа не значи ништо во оваа рана фаза од сезоната и уште многу може да се промени.
„Сите гледаме на работите реално и знаеме дека после шест меча е рано да се прави реална проценка на пласманот. Ајде да одиме барем на 19 натпревари пред да се запрашаме каде сме. Но сепак добро ни е што забележавме серија добри резултати, особено ако се земе предвид дека дојде нов тренер за да замени еден многу успешен, сите знаеме дека ако загубивме четири или пет од тие натпревари, нашите животи ќе беа многу потешки“, рече Слот.
Тој веќе гледа напред и знае дека претстојат уште доста тешки натпревари, по кои ќе стане појасно каде стои неговиот тим.
„Нека поминат натпреварите со Арсенал, Њукасл, Челзи и Астон Вила и да видиме дали тогаш се уште сме на врвот. А во меѓувреме имаме и натпревари во Лигата на шампионите. Мислам дека не треба да ги убедувам играчите какви предизвици не чекаат. Да играме во Лигата на шампионите, потоа да се соочиме со Арсенал и Астон Вила и со сите силни тимови со кои ќе се соочиме по репрезентативната пауза. Имаме уште многу да се докажеме, особено ако се вратиме две години наназад, кога тимот беше речиси високо исто“, изјави Холанѓанецот.
