Екипата на Каљари во шестото коло ја запиша првата победа оваа сезона во Серија А со тоа што славеше на гостувањето кај Парма со 3:2. Тимот од Сардинија добро го отвори мечот, прво му беше поништен гол во 6 минута на Мина, но во 34 минута Надин Зортеа донесе предност.
Парма изедначи во 62 минута преку Денис Ман, а гостите повторно дојдоа до водство преку Разван Марин. Но набргу потоа Парма изедначи на 2:2 со гол од пенал (гол на Хернани), за потоа Каљари повторно да поведе и да победи со 2:3 со гол на Роберто Пиколи.
Идното коло Каљари му гостува на Јувентус, додека Парма оди на гости кај Болоња.
