Младите фудбалери на Брера У19 се елиминирани од младинската Лига на шампионите уште во првото коло по поразот вечерва на „Кошево“ со 2:0 од тимот на Сараево. На првиот меч резултатот беше 2:2, а струмичани имаа обврска да победат на гости.
По првото полувреме немаше голови. Сараево го отвори резултатот во 56. минута преку Игнатков. Во 61 минута надежите на Брера за поволен резултат се намалија кога Ристов поради втор жолт картон мораше да го напушти теренот.
Во 80. минута Хамжиќ ги постави конечните 2:0. Сараево се пласира во наредната рунда, а Брера ги заврши настапите во Европа за оваа сезона.
Во второто коло од ЛШ, Сараево ќе игра против Макаби Петах Тиква од Израел.
