Тренерот на Реал Мадрид, Карло Анчелоти призна дека е изненаден од поразот од Лил со 1-0 во Лигата на шампионите. Тој изјави дека неговиот тим не бил навикнат на вакви резултати, но додаде дека успехот на Французите е целосно заслужен со оглед на тоа што го покажале на натпреварот.
“Не сме навикнати на овие резултати. Противникот ја заслужи победата. Беа подобри во дуелите. Мораме да го прифатиме тоа. Мора да учиме од нашите грешки. Тие беа исти како и ние во последниот пораз. Мораме да учиме од овие порази.
Направивме многу грешки во првото полувреме, имавме проблеми со контра напади, не бевме доволно агресивни. Не успеавме да создадеме шанси, не се снајдовме добро со топката. Бевме бавни и ни недостасуваа идеи Имаме напаѓачи кои мора да играат вертикално, а кога не можеме да им обезбедиме добри топки, станува тешко“, изјави Италијанецот.
Искусниот стратег потенцира дека атмосферата останува добра и дека во иднина ќе мора повеќе да се борат.
“Сепак, мислам дека можеме да извлечеме поука. Ова е важно. Мораме да ја подобриме нашата игра бидејќи ни остануваат уште многу натпревари. Расположението во тимот останува добро, но имаме многу да работиме. Тоа не е доволно само да разговараме, мораме и да дејствуваме. Не беше добар натпревар, но секогаш треба да се бориш“, заклучи специјалистот.
