Менаџерот на Астон Вила, Унаи Емери не ја криеше радоста по победата над Баерн (Минхен) (1:0) во Лигата на шампионите. Според него, такви моменти не се случуваат секој ден и затоа сака максимално да ужива во нив.
„Среќен сум поради сите во Астон Вила – тренерите, навивачите, сопствениците, работниците. Најважно беше како ќе се бориме на натпреварот и како ќе го спроведеме нашиот план. Сакам целосно да уживам во овој момент“, изјави Емери.
По оваа победа Астон Вила има 6 бода, а сега претстои средба со Болоња.
„Имаме шест бода и тоа е важно. Но, имаме уште 6 натпревари и 18 бодови за кои треба да се бориме. Мораме добро да се подготвиме за нашиот следен натпревар со Болоња овде и да продолжиме во овој дух. Сè уште можеме да го подигнеме нивото. Но, прво треба да размислиме за играта во недела, сакам да видам константност во нашите настапи“.
