Од седиштето на ФИФА доаѓаат вознемирувачки информации во врска со СП 2030. Имено познато е дека тој Мундијал ќе биде организиран од Уругвај, Аргентина, Парагвај, Мароко, Португалија и Шпанија. Но може лесно да се случи, а и ФИФА се заканува дека ќе ја тргне Шпанија од организатор и тоа поради фактот дека ФС на оваа земја веќе подолго време нема избрано претседател.
Од ФИФА велат дека состојбата мора да се врати во нормала, ако не тогаш мора да се преземат адекватни мерки. Секако дека ако ова се случи тоа ќе биде голем удар за Шпанија, земјата која е актуелен европски првак и земја во која треба да се играат завршните мечеви од СП 2030 година.
Инаку според планот на ФИФА, првите три меча, од вкупно 104, од Мундијалот би се играле во Аргентина, Парагвај и Уругвај, додека останатите во Мароко, Португалија и Шпанија каде е предвидено да се игра големото финале.
