Откако го пропушти мечот со Арсенал (2:0) во Лигата на шампионите со одлука на тренерот Луис Енрике, Усман Дембеле вчера не бил ниту на тренингот на тимот. Според информација од ПСЖ, Дембеле пристигнал во тренинг центарот во утринските часови, но не бил во можност да тренира затоа што бил болен. На играчот му било дозволено да си оди дома.
Медиумите пишуваа дека настанал конфликт меѓу Дембеле и главниот тренер на ПСЖ, но Енрике ги демантираше овие информации и го објасни исклучувањето на Дембеле од составот за мечот со Арсенал како „неисполнување на обврските кон тимот“.
Дембеле и Енрике разговарале за ситуацијата и се очекува крилниот напаѓач да се врати на тренинзите со тимот во четврток.
