Манчестер Сити и Арсенал без проблеми во дуелите со Фулам односно Саутемптон во 7 коло на Премиер лигата. Бранителот на титулата се помачи на домашен терен против Фулам и го совлада со 3:2. Лондонскиот тим поведе, тоа беше прекрасна асистенција на Раул Хименез по која Переира го совлада Едерсон во 26 минута.
Raul Jimenez with the assists of the weekend so far against Manchester City for Andreas Pereira to put Fulham ahead. pic.twitter.com/jDrXKLAjBW
— Ignacio Cervantes (@ignaciocerva07) October 5, 2024
Изедначи Сити со гол на Матео Ковачиќ во 32 минута. Истиот играч во 47 минута постигна прекрасен гол за предност на „граѓаните“. Во 82 минута Џереми Доку зголеми на 3:1, а конечниот резултат го постави Родриго Муниз во 89 минута.
Арсенал немаше проблеми против Саутемптон. Во првото полувреме немаше голови, а Саутемптон поведе со погодок на Арчер во 55 минута. Тоа како да ги налути „топчиите“ кои се „распукаа“ со три гола. Изедначи Хаверц во 59 минута, погоди и Мартинели во 68 минута и Сака во 88 минута.
Арсенал и Сити стигнаа до петта победа сезонава.
На другите мечеви: Кристал Палас – Ливерпул 0:1, Брентфорд – Вулверхемптон 5:3, Лестер – Борнмут 1:0, Вест Хем – Ипсвич 4:1.
