Бразилската ѕвезда од екипата на Реал (М), Винисиус Жуниор поради повреда ќе ги пропушти квалификациските дуели за Светското првенство на неговата репрезентација против Чиле и Перу, објавија од Бразилската фудбалска федерација.
Винисиус заработи повреда на вратот за време на победата на Реал Мадрид со 2-0 на домашен терен против Виљареал во саботата. Играчот од средниот ред на Фулам, Андреас Переира е повикан да биде замена за Винисиус во составот на „кариоките“.
Повредата на Винисиус додава дополнителни проблеми за селекторот Доривал Жуниор бидејќи Бразил е петти во светските квалификации на КОНМЕБОЛ со 10 бода од осум натпревари. Доривал веќе беше принуден да ги повика Лукас Бералдо од Пари Сен Жермен, Вевертон од Палмеирас и Алекс Телес од Ботафого за да ги замени повредените Бремер од Јувентус, Алисон од Ливерпул и Гиљерме Арана од Атлетико Минеиро.
