Ракометарите на Барселона ја продолжија победничката низа во Лигата на шампионите, откако вечерва во 4. коло славеа убедливо на домашен терен против дански Алборг со 35:27. Ова беше четврта победа за Каталонците и втор пораз за данскиот претставник.
Барселона одигра солидно прво полувреме кое на крајот го затвори со три гола предност (16:13), а се чини дека гостите во вториот дел паднаа уште повеќе во темпото, па Барселона лесно и убедливо го приведе мечот до победа. Гомез и Фраде со по 5 гола беа предводници на листата на стрелците кај Барселона.
Келце во драматична завршница славеше на гостувањето кај Магдебург со 26:27. Со оваа победа, Полјаците му го нанесоа вториот пораз на европскиот шампион. Со 7 постигнати гола Дујшебајев беше лидер кај гостите во победата.
Нант, пак, имаше само еден полесен тренинг против Колштад. Францускиот тим го прфегази норвешкиот состав со 44:27. Мине и Одриозола со по 6 гола беа најефикасни во втората победа на Французите во групата.
