Македонското дерби во Евролига му припадна на Ненад Димитријевиќ, кој со својот тим Олимпија Милано ја запишаа првата победа оваа сезона и тоа на сметка на Париз (79-74) за кого настапува Ти-Џеј Шортс.
Ова беше прва победа за Димитријевиќ во неговата прва сезона во најсилното европако клупско натпреварување.
И двајцата македонски репрезентативци беа стартери. Нено беше стрелец на девет поени, сите ги постигна од линијата за три поени каде имаше 3/7, зад своето име додаде уште три скока. Шорц пак имаше 17 поени и 8 скока.
Олимпија Милано беше подобар тим во првото полувреме. Во првата четвртина имаше позитива од седум поени (19-12). По последните плус седум во вториот период, Париз успеа со серија од 11-0 да го превземе водството 33-37. На одморот резултатот беше 35-39.
Тимот на Димитријевиќ успеа да го врати водството на стартот на последната четвртина 58-57 за неизвесна завршница.
Шорц имаше важна улога во својот тим, реализираше за 48-53, а потоа и за 60-67. Но, драмата продолжи. Иако Париз поведе со 63-71 на пет минути до крајот, ништо не беше решено. Олимпија се врати на 69-71, а потоа поведе со 76-73 на минута до крајот на натпреварот.
На другата страна Шорц не постигна тројка за изедначување, Мадо намали на минус два, но домаќинот веќе влезе во ритам и не дозволи дуелот да заврши поинаку.
На останатите две средби Барселона славеше против Алба Берлин со 88-73, додека Олимпијакос беше подобар од Жалгирис со 74-68.
