Дерби во Кавадарци за петтото место во Супер-лигата

Денеска ќе се одиграат три меча од седмото коло во Супер-лигата, а во центарот на вниманието е пресметката во Кавадарци каде ГРК Тиквеш е домаќин на Бутел Скопје, дуел кој е закажан во 18 часот.

Бутел Скопје има бод повеќе (6) и се наоѓа на петтото место со скор од три победи и три порази, додека пак кавадарчани имаат две победи, реми и пораз. Избраниците на Горан Кузманоски ќе имаат шанса да се зацврстат на „петката“ пред директниот конкурент и да му избегаат со три бода, додека пак кавадарчани ќе направат важен скок, но и ќе забележат важна победа во сезоната која не ја почнаа најдобро.

На останатите мечеви, Прилеп е домаќин на Вардар, додека пак Пролет го пречекува Куманово.