Вечерва на програмата се три меча од 5.коло во ракометната Лига на Шампионите. Очекувано Барселона славеше во Загреб кај истоимениот клуб со 29:31. Ова беше петти триумф на каталонскиот гигант во исто толку мечеви, сосема доволно за суверено да го држи врвот на табелата во групата Б.
Дика Мем со 6 голови беше најефикасен кај гостите, додека Главаш одигра феноменален меч со 9 постигнати гола кај Хрватите, но и тоа не беше доволно за избегнување на поразот иако во второто полувреме Загреб одигра навистина добро.
Алборг со 30:29 успеа да слави над Сегед и тоа во драматичен финиш, сепак на крајот домашните знаеја како да го завршат мечот во своја корист и дојдоа до значајна победа.
