Новак Ѓоковиќ (37) загуби во полуфиналниот меч на егзибицискиот турнир „Шест кралеви“ што се одржува во Ријад, откако Италијанецот Јаник Синер беше подобар по три сета (6:2, 6:7, 6:4).
Само неколку дена по финалето во Шангај, Новак Ѓоковиќ и Јаник Синер повторно се сретнаа, но овој пат вкрстија во полуфиналето на егзибицискиот турнир и приредија уникатен спектакл, достоен за Грен слем финале.
Синер тргна со предност во првиот сет, а иако се чинеше дека ќе го реши полуфиналето во два сета, Ѓоковиќ покажа зошто е најдобриот тенисер на сите времиња, па по тај-брејк успеа да се избори за трет решавачки сет.
Во него неизвесноста траеше во рвите осум гејма (4:4), по што Синер успеа да ги добие следните два и да обезбеди финале. Таму ќе го очекува подобриот од второто полуфинале меѓу шпанските ривали Алкараз и Надал.
