Уште една голема драма во Евролига, овој пат со среќен крај за Барселона. Црвена Звезда ја продолжи негативната серија во пресметките со каталонскиот тим, откако на домашен терен беше совладана со 94-98 после продолжение. Ова беше прв пораз за „црвено-белите“ оваа сезона.
Каталонскиот тим има 12 победи по ред во пресметките со српскиот тим, кој последен пат пак против Барса славеше во 2017 година.
Кевин Пантер ги презеде работите во свои раце и погоди тројка за 82:84. Звезда имаше 10 секунди, а Јаго дос Сантош по одличното влегување израмни на 84:84. Пантер промаши тешка тројка, мечот отиде во продолженија.
По 93:90 за домашните. Лапровитоло се разбуди, а потоа следеше неверојатна тројка на Кевин Пантер од 8 метри во последната минута за 96:93. Јаго погоди едно од двете слободни фрлања, но Пантер во клучните моменти украде топка и реализираше од контранапад за крај на сите дилеми.
Qué partido de Kevin Punter
QUÉ PAR TI DOpic.twitter.com/3pWC0Gvyng
— Gigantes del Basket (@GIGANTESbasket) October 18, 2024
Токму Пантер со 26 поени беше прв стрелец, 19 поени Јан Весели. Кај Црвена Звезда најефикасни беа Дос Сантош со 23 и Калиниќ со 19 поени.
