Светислав Пешиќ ќе остане на клупата на кошаркарската репрезентација на Србија. Новиот претседател на Кошаркарскиот сојуз, Небојша Човиќ изгледа успеал да го убеди искусниот стручњак да се предомисли и да го продолжи тоа што го започна. Се очекува Пешиќ да ја води репрезентацијата на Европското првенство идната година и потоа ќе може да дојде до промена на селекторската позиција.
Претходно Пешиќ изјави дека веќе има 75 години и дека има други планови, додека Човиќ потоа реагираше и изјави дека Пешиќ е прв пик за селектор на Србија. Преговорите изгледа успешнос се завршени, а од КСС соопштија дека за во недела на пладне е планирана прес-конференција на која ќе бидат соопштени детали.
