Утре во меч од 10.коло, во Струга играат шампионот Струга ТЛ и Силекс. Секако дека ова ќе биде еден од најинтересните мечеви во ова коло.
Силекс знае добро каде ќе гостува, го респектира својот противник, но очекува добар настап и добар резултат.
Свој коментар пред овој меч има стратегот на Силекс, Александар Васоски:
“Струга е кандидат за титула. Секако дека имаме шанси и Силекс ќе се прашува на тој натпревар, бидејќи како што се знае последните три натпревари на гостински терен даваат надеж дека екипата го разби тој комплекс од гостински терен и мислам дека имаме свои адути за да дојдеме до позитивен резултат против Струга ТЛ. Секако, кога мислам на позитивен резултат, мислам на победа, така да апсолутно максимално сме спремни и гориме од желба да покажеме добра игра со Струга.“ истакна Васоски.
