Неверојатната кариера на Лука Модриќ ќе го доведе до уште еден неверојатен подвиг во неговиот следен натпревар со Реал Мадрид – без разлика дали тоа е на 19 октомври против Селта, на 22-ри против Борусија Дортмунд во Лигата на шампионите или следната сабота на Ел Класико“.
Кога следно ќе се појави на натпревар за „кралскиот клуб“, Модриќ ќе стане најстариот играч во историјата на 15-кратниот шампион на Европа. Хрватот на овој начин ќе го надмине Ференц Пушкаш, една од иконите на Реал.
Во мај 1966 година, Пушкаш одигра четвртфинален натпревар од Копа дел Реј на гостувањето кај Бетис на возраст од 39 години и 37 дена. Модриќ ќе има 39 години и 40 дена кога на крајот ќе излезе на теренот против Селта во 10. коло од Ла Лига.
Во април оваа година, Модриќ веќе стана најстариот играч на Реал Мадрид на европските турнири, кога влезе против Баерн Минхен. Потоа повторно го подобри постигнувањето на Пушкаш од 1965 година.
