Само неколку часа Манчестер Сити беше на врвот во Премиер лигата, затоа што Ливерпул се врати на чело по победата над Челзи со 2:1 во 8. коло. Мечот се одигра на „Енфилд“, а донесе интересни моменти.
Ливерпул поведе во 29 минута со гол на Мохамед Салах од пенал. Пеналот го направи Леви Колвил поради груб старт, а судијата Џон Брукс покажа на белата точка.
Имаше слични ситуации во текот на целиот меч. Во 45 минута Роберт Санчез стартуваше во сопствениот шеснаесетник, а судијата прво покажа пенал, но потоа по преглед на ВАР снимка ја смени одлуката.
Десеттина минути претходно Никoлас Џексон ја погоди стативата, а по него Коди Гакпо постигна гол кој беше поништен поради офсајд.
Во 49 минута Џексон погоди за 1:1, а прво голот се проверуваше, па беше признат.
Во 51 минута Ливерпул повторно води. На асистенција на Салах, Кертис Џонс убави се проби низ противничката одбрана и го совлада голманот.
Ливерпул е лидер со 21 бод, еден повеќе од второпласираниот Сити. Челзи е на шестото место и го впиша вториот пораз.
