Италијанската La Gazzetta dello Sport во понеделникот наутро објави дека крадци упаднале во домот на една од најпознатите фудбалски парови, Даглас Луиз и Алиша Леман, членови на Јувентус. Да потсетиме, Луиз и Леман минатото лето пристигнаа во Јувентус од Астон Вила.
Во моментот на грабежот дуото било зафатено со клупски обврски. Луиз играше со Јувентус против Лацио, а неговата партнерка беше во хотелот со женската екипа на Јувентус, која денеска игра против Интер.
Според Италијанците, крадците украле 11 часовници вредни околу 500.000 евра, а одзеле и недефинирана вредност на накит што му припаѓал на Леман.
По победата на Јувентус, Луиз отишол на вечера, а кога стигнал дома во 1:30 часот по полноќ веднаш повикал полиција. Ова не е прв пат крадци да ограбат некој од играчите на Јувентус.
