Бразилското крило на Реал Мадрид, Винисиус и неколку поранешни фудбалски ѕвезди се во големи проблеми. Меѓу нив се Роналдињо, Роберто Карлос, Луис Фиго, Икер Касилјас и Фернандо Иеро. Тие учествувале во настани на крипто компанија која ветувала 300% профит, а сега се соочуваат со тужби од жртвите на финансиската пирамида.
На инвеститорите им било ветено враќање од 300% за 14 месеци. Подоцна терминот се одолговлечил на 18 месеци, а потоа на 26. Вкупно три милиони луѓе инвестирале околу 3 милијарди евра во пирамидата наречена Омегапро.
Тројца од основачите се уапсени, а уште двајца се бегалци. Една од жртвите, 56-годишната Долорес од Каталонија изгубила 18 илјади евра во оваа пирамида.
„Како може ова да биде измама? Беа вклучени фудбалери, а логото на компанијата беше поставено на облакодер во Дубаи“, не може да поверува измамената госпоѓа.
Една од клучните стратегии на Омегапро беше да организира настани со познати сегашни и поранешни фудбалери за да ги увери инвеститорите во веродостојноста на бизнис моделот. Исто така, нареди проекција на своето лого на највисоката зграда во светот, Бурџ Калифа во Дубаи.
Kaká, Figo, Vinícius, Casillas y otros futbolistas promocionaron esta criptoestafa piramidal. Esta española perdió 18.000 euros https://t.co/k0DtdJUmkG pic.twitter.com/76DtP5jga9
— Genbeta (@genbeta) October 21, 2024
Vinicius participó como jugador en activo en la promoción del mayor fraude piramidal de la historia de Latinoamérica. Han participado otras leyendas retiradas como Figo, Ronaldinho, Eto’o, Hierro, Casillas, Kaká. Las víctimas los han denunciado por colaborar en la estafa. pic.twitter.com/Goi4seWo6J
— Fonsi Loaiza (@FonsiLoaiza) October 22, 2024
