Тренерот на Фенербахче, Жозе Мурињо зборуваше пред утрешниот домаќин на Лига Европа на неговиот поранешен клуб Манчестер Јунајтед. Португалецот повторно даде доста интересни изјави.
„Веќе не сум тренер на Манчестер Јунајтед. Не гледам причина да се плашат. Но, тие знаат дека нема да биде лесен натпревар за нив. Ако мислат дека е лесно, грешат. Тие ќе дојдат овде со своите максимални сили. Мислам дека нема да ротираат“, започна Португалецот.
Мурињо проговори и за својот поранешен клуб:
„Од првиот момент кога го напуштив Манчестер Јунајтед, им посакав се најдобро. Заминав со добри чувства – и за клубот и за навивачите. Не сум среќен што работите не им одат добро, но не изгубив ни минута прашувајќи се дали тие се подобрија откако заминав. Им посакувам многу среќа освен на утрешниот натпревар.
Тие имаат верба во нивниот тренер за да може да продолжи да ги исполнува своите должности. Тие веруваат дека нивниот тим ќе се подобри. Тоа е разликата помеѓу кога бев таму и сега. Кога бев таму, ја освоивме Лигата на Европа и се уште можев да ја освојам титулата во сезоната 2017/2018, ако го казнат Манчестер Сити. Во тој случај се надевам дека од таму ќе ми го дадат златниот медал и бонус“.
Запрашан за веста дека Сер Алекс Фергусон повеќе нема да биде амбасадор на Манчестер Јунајтед, Мурињо рече:
„Имам одличен однос со него. Ќе видите во мојот документарец кога ќе излезе. Немам детални информации за тоа дека ја загубил улогата на амбасадор. Но, тоа не е важно. Ја има љубовта од секој навивач на Јунајтед во светот. Оваа почит е најважна за него“.
